Switchon!! Ann~~~: 試用大王

Starmetro 試用大王 - Chapter 2

Tue, 24 Jun 2008 04:53:45 GMT

22 June - 還左兩隻碟

23 June - 收到email話又寄左兩隻新碟俾我啦

24 June - 己經收到.

好OK喎~~

Starmetro試用大王

Sun, 22 Jun 2008 07:40:36 GMT

14 June (Sat) - 登記成為用戶
16 June (Mon)- 收到電郵通知寄出兩隻DVD
17 June (Tue)- 在公司收到DVD了

是一個有設計過的信封呢。

沿箭嘴處打閞，就是這樣。見到中間有一條膠嗎？要還碟的時候就是撕去膠條貼回去就可以，放回郵箱把它寄回去。

這張DVD是愛上塔蘿牌殺手，沒有Dolby 5.1，又沒有bonus feature。現在的DVD就是這樣沒有heart的，所以，你們都租吧！haha

Lawry's The Prime Rib - 好好笑

Fri, 06 Apr 2007 06:03:48 GMT

我去呢間餐廳覺得幾好笑：

1 ) 侍應制服：女侍應的衣著好似卡通版護士，計我話著去玩cosplay都唔失禮。切薄切的廚師個個都好後生，但係頂廚師帽勁高，心口又戴個大金牌。

2 ) 表演項目一流：我地三個人先到，被編排坐U形梳化，帶位姐姐會單手將成張飯枱拉出U形梳化外讓我們走入去坐，然後又單手將張飯枱推返入去，話晒都係張實木枱...真係辛苦晒。到食沙律個陣著到成個護士咁的侍應又會係你面前用一個冰鎮的鐵兜將dressing伴入沙律，又係一個幾好睇的表演。

3 ) 但係講到食物方面就麻麻地，唔係真係咁好食。食California Cut都已經幾大份 (已經寫到明係俾食量細的人...)。唔好以為食Roast beef要食raw, 要有燒的味道至少叫Medium,塊牛肉亦幾多筋，如果raw就好難切。塊牛的確係無乜牛味，口感不太好。

呢個價錢有很多更好的選擇。

一個人的KTV

Wed, 17 Jan 2007 01:19:20 GMT

「不是吧，那麼有興致一個人唱K？」放工時，剛巧和阿頭乘同一部升降機。他得知我要一個人唱K後冷笑著點煙。

「唱K當然是叫朋友一齊唱開心啦，為什麼不叫朋友一起來？」服務生問我，我卻沒回答。她大概會以為我失戀吧。

以前我也試過在上海一個人唱K，在香港今次是第一次。

其實一個人唱K真的不錯。想唱多冷門的歌也可以，我重覆唱了兩次「女爵」，扮cute唱劉亦菲亦無人倒台，唱「畫意」唔夠氣亦無人笑，唔識唱就求其混過去，要不索性開伴唱。

最過癮是一邊打邊爐一邊唱K。把生料於到鍋裡，唱完幾首歌就煮熟了。

唱到十點，嗓子唱開了，其實可以唱到凌晨五點九，可惜明天要返工，只好依依不捨地回家。百多元又打邊爐又唱通宵K，都幾抵。

Moov.com.hk

Fri, 08 Dec 2006 05:59:38 GMT

太好的一個網頁！差不多新出的大碟都落齊！一個月43蚊任聽！抵！至多聽0岩至去eolasia.com/HMV買，可以keep住學卡拉OK新歌。

我仲有個奸奸地的諗法：如果你想要隻歌又唔想買，可以一邊播，一邊用StepVoice Recorder將條聲邊播邊錄做mp3，然後再用mp3direct cut﹝通常我用唻剪電話鈴聲﹞唻edit走前後的空白位......好奸呀！

StepVoice Recorder

http://stepvoice.com/

MP3 Direct Cut

http://mpesch3.de1.cc/mp3dc.html

雙料喉風散

Fri, 08 Dec 2006 05:51:43 GMT

這幾天左邊口腔生了粒大「飛滋」，痛不欲生，痛楚甚至延生到頭上，像戴了個緊箍呪。在鏡裡看還好像左邊面有點腫起來，我已向男友下了禁令，不可以捏我的左邊面。

我痛了兩天，喝過野葛菜加鹽，又試過在飛滋上灑鹽，試盡酷罰，飛滋依然肆虐。

有時候，我的妹妹真的可愛非常。她床頭常放著一支「雙料喉風散」，是一瓶藥粉，只需將瓶口對準飛滋，捏一下軟膠瓶身，藥粉即向飛滋發射！痛楚立即舒緩！舒服晒！

我今日已將她的雙料喉風散用完，要買一枝新的了。﹝北角藥房只售五元！！但有其他藥房以13.5出售！請小心格價﹞

KISS MP3 Player KS900

Sun, 24 Sep 2006 03:07:39 GMT

因為想日日去晨操以免自己身在福中日益肥胖，決心買了這部mp3。你唔係叫我同班晨操師奶吹水啩。

我的條件如下：

一、夠輕，可掛頸。

現時市面越來越少輕身的mp3 player了，取而代之的是大大部睇片幾十GB的機款。我對ipod shuffle亦無好感，俾個芒我睇下個歌名都得啩，同埋....

二、有時鐘顯示：

我可帶少個錶(其實我無錶)，我可帶少個電話，我就知時間跑咗幾耐。

市面上細機又有鐘亦少，最後選了這部。

用後都覺唔錯，不過個收音機接收有點弱。

另一貼心設計是可用機中設定格式化，﹝雖然也得罵一下這機那麼快就成日hang...hang到用PC都不能格式化。﹞也可設回原廠設定，有問題都可以自己攪掂。

eolasia.com

Sun, 24 Sep 2006 03:04:08 GMT

看了一部份的「四大天王」，有點可笑，亦有可悲。

Alive的監製說：「mp3的原意是試聽。」

你告訴我，你還會拿個discman上街嗎？你真真正正在享用的是mp3，那會是「試聽」嗎？

這就是在音樂界的人的錯誤思想。因為這種小器無知的思想，害香港的mp3零售巿場停滯不前。

終於返回正題說說eolasia。本來能單曲購買的點子，我非常受落，但就因為怕加了保護的wma我的機未能播播放而卻步，先下載試用版看看，果然是聽不到。網站上竟還給你一個破解：將歌曲燒成音樂光碟再用軟件轉成mp3！寫這個破解不覺可笑嗎？

一、本人未神心如此，要為那歌付出那麼多心神，既然有這個破解方法，我真心想要將歌曲翻版，也一定會依法破解；所以其實這個受保護，只能嚇怕普通的消費者，並不能阻止盜版者盜版。

二、本來單曲變回大碟，意義全失，我總不能下載一首就燒一隻碟吧。

各行也有翻版，但都只擔心消費者買不買正貨，而從不干涉消費者如何使用這件商品。不說其他商品，以前的錄音帶都有人用雙卡式hifi自行複製共享，但是唱片業依然輝煌。

在BT已受壓制，不花心力根本找到不種子的今日；還有一眾口味另類的樂迷，根本難以找到某一唱片的BT種子，為什麼商人也不放開胸懷，給樂迷一個方便之餘，亦廣開財路呢？

BCS整腸

Thu, 31 Aug 2006 05:13:00 GMT

冇用！

己用了個半月，

我唔覺疴多左大便，大便變成「BB糞便」。

我唔覺手臂減左。

我唔覺條腰幼左。

但係又好似皮膚真係緊緻左，或者你可以講：「Switchon，你一向皮膚都好！」，

都係格，好！就食多半個月睇下點！

高X潔Max Fxxsh牙膏

Mon, 26 Jun 2006 13:51:35 GMT

此單元乃係本人突然發現在這世紀消費者消費所得到的東西未必如其所願，故設此單元交換各方意見，令各位消費者更精明地消費。

該品牌牙膏由某自稱董事長的天王巨星主演，該廣告片的質素休提了。說回產品本身......我感受不到Fresh，當我將塗上牙膏的牙刷放到口腔，以腕力將刷毛和牙齿用力磨擦起泡的當兒，我只感到口腔已變成一台洗衣機！該牙膏的味道實在清新，直達強力洗粉的境界！！我現時刷牙的時間立時縮短一半，並以增強一倍之手力，期望可追回以往口腔的清新度。

題外話：本人是咖啡痴，敢說身裡流的都是咖啡不是血！雖然對咖啡未有研究，但口腔中經常回盪一陣咖啡「香氣」，這可辛苦了不喝咖啡的伴兒哦！